|
Inona no azo jerena ao ?
Ny valan-javaboharim-pirenena mitokana an'Andranoanala
dia miavaka noho ny fananany ala amorontsiraka.
Tsy dia sarotra ireo lalan-kely ao anatiny ary
mora ho anao ny mahita ireo voron-drano eny amin'ny
honahona ao anaty valan-javaboharim-pirenena.
Anisan'ny reharehan'ny toerana ny fananany zava-maniry
mpihinana biby kely: Nepenthes masoalensis. Miankina
amin'ny vintanao kosa ny mety na ny tsy mety ahitanao
voay eny amoron'ny renirano.
Ity faritr'alavelona ity dia hita any amin'ny
morontsiraka atsinanana. Raha ohatra ianao ka
nisafidy ny andeha mianatsimo, misy lalan-kely
iray mitondra hatrany amin'ny tendron'i Masoala.
Andalovanao ireo tanàna kelina mpanjono.
Izy ireo dia tora-pasika fotsy na mena, miaraka
amin'ny solampy malefaka tapatapahin'ny honko
sy renirano.
|
