Ireo rehetra azo atao manodidina ny valan-javaboharin'i Masoala dia mazava ho azy fa mifandray amin'ny toerana. Masoala dia toerana mahafa-po ireo tia ny tontolo natiora sy ireo tia mandeha an-tongotra, na izany aza anefa ny helodranon'i Antongila dia ahitana ireo zavatra tsy ampoizina. Ny fahatongavan'ireo trozona dia manintona tokoa ireo mbola tsy nahita maso ity biby goavambe ity izay kinga sy mailaka. Ireo valan-dranomasina manodidina ny saikanosy dia azo hanaovana ankiletika tsara ary matetika dia azo atao hatrany ny mitsangatsangana manodidina ny morontsiraka atsinanan'ny saikanosy, hanamarinana fa ny ala mando lava dia mijoboka marina anaty ranomasina. Azo heverina koa ny manomana ny zavatra atao rehetra mianga avy any Maroantsetra na Antalaha ary aza misalasala ny mametraka ireo fanontaniana amin'ireo mpanoro lalana izay anisan'ny manatanteraka izay ilainao, satria ny tanjona dia ny hahafa-po tanteraka anao. Izany dia anisan'ny antoka apetraka.