Ireo fanisana natao tamin'io faritra io dia nahafantarana fa ny biby mandady ao dia ahitana 69 karazana, ao anatiny ireo karazany tsy hita raha tsy ao Masoala.

Ny tanalahy indray dia fantatra indrindra amin'ireto toetra telo ireto. Ny voalohany amin'izany dia ny tsy fifampiankinan'ny fihetsik'ireo masony roa, afaka mijery ny manodidina azy izy amin'izany na tsy mihodina aza ny lohany. Izany toetra ananany izany koa dia manampy azy be dia be amin'ny fihazàna ireo bibikely manidina, miaraka amin'ny lelany izay matetika lava noho ny vatany manontolo. Fa ny tena mampiavaka azy dia izy mahay manova loko araky ny toerana misy azy. Manampy azy tokoa io toetra iray io amin'ny fiereny ireo biby hafa fa eo koa ny fifandraisanay amin'ireo mitovy aminy (ohatra amin'izany ny fifandonana eo amin'ny fikatsahana vaviny).

Ny bibilava rehetra koa dia tsy misy mahafaty, toy ny dö malagasy izay manempotra ireo hazany alohan'ny hihinanany azy.

Ny toko Phelsuma no ahitana ireo katsatsaka fanevan'i Madagasikara izay tsy mivoaka raha tsy amin'ny alina. Izy ireo dia mora fantatra amin'ny lokon'ny lamosiny maitso ahitana pentina mena.