Natsofoka ho anisan'ny vala an-dranomasina ny helodranon'i Antongila noho izy faritra manan-danja hiterahan'ireo trozona sy ireo karazam-biby hafa anaty ranomasina. Maro ireo trozona mihaona ao isan-taona manomboka ny volana jolay, aogositra ary septambra. Raha maniry mafy ny hahita ireo trozona ianao, mahareta kely , ary mangalà fotoana vitsivitsy.

Inona ireo fitaovana tokony ho entina ?
Aza adino fa ao anatin'ny vaninandro ririnina any an-toerana ianao. Na izany aza anefa dia avy ny orana sady mangatsiaka, indrindra fa eny ambony sambo. Noho izany dia mitondrà akanjo mafana sy miaro amin'ny orana. Arovy miaraka amin'izany ihany koa ny fitaovana toy ny fakàna sary sy raki-tsary. Indraindray anefa dia mety ho manga ny lanitra, aza adino ny menaka fiarovana amin'ny masoandro.