Ny "Reserve de la Biosphere" dia tafiditra ao anatin'ny faritra izay voafefin'ny tanàn-dehiben'i Mananara avaratra. Mizara roa mazava tsara ny valan-javaboharim-pirenena. Ny ilany tena manan-danja dia manambatra ireo karazana ala (ala Verezanantsoro, Ivontaka avaratra sy Ivontaka atsimo ary ilay mankany amin'ny ony Anove). Ny ilay faharoa izay kelikely kokoa dia manambatra ireo nosy Atafana (manatrika ny tanànan'i Sahasoa) ary ireo harandriaka manodidina.

140 000 ha eo ho eo no rakofan'ny "Reserve de la Biosphere".
23 000 ha kosa ny an'ny valan-javaboharim-pirenena miampy ny valan-dranomasina ahitana ireo nosy sy ny harandriaka manodidina. Ny "Reserve" no manana ny ampahany lehibe indrindra amin'ireo ala manoran-dava voasokajy ho iva voaaro ara-panjakana eto Madagasikara.

Ny "Reserve" dia mipetraka amin'ireo toerana lemaka vatovatoina (granitan'i Antongila sy migmatitan'i Mananara. Eo anelanelan'i Anove sy Antanambe, ny toerana manamorona ranomasina dia tsy ahitana afa-tsy fasika. Any avaratr'Antanambe, ny tora-pasika dia mahalana sy mitoka-monina. Ny sisin-dranomasina izay manome hantsana iva no manatrika ireo harandriaka manaparitaka ny ranomasina, eo amin'ny 200 m eo ho eo ny haavony. Ireo tambatra nosy kelin'ny Nosy Atafana dia ahitana ihany koa ireo harandriaka somary milevina anaty rano.

Amin'ireo biby mandady, dia ahitana karazana voay 16 avy amin'ny reniranon'ny Nil (Crocodilus niloticus), Ithycyphus pereniti ary Chamaeleo cucculatus.

60 ireo karazam-borona voaisa, ny sasany amin'izy ireo dia tsy fahita firy. Anisan'izany ny Fagadiovy sy ny Fandikalalana (Brachypteracias squamiger sy B. Leptosomus) na ny Siketribe Euryceros prevostii.

Io ihany no toerana voaaro ho an'ireo byby mampinono toy ny Galidictis fasciata sy Salanoia concolor. Ireo gidro kosa dia ahitana ny sifaka (Propithecus diadema diadema), ny varika (Varecia variegata), Babakoto (Indri-indri) ary ny Aye-aye (Daubentonia madagascariensis). Ny karazam-biby Allocebus trichotis dia hitan'ny Dokotera B. Meier. Azo eritreretina ny fisian'ny Hapalemur simus any atsimon'ny vala dia mety, na koa ny fisian'ny Dugong dugong any amin'ny valan-dranomasina.