Any ivelan'ny ala, dia ny fambolena vary no mibahan-toerana, na izany voly an-tanimbary na voly tavy anelanelan'ny tendrombohitra ho an'ireo masomboly tsy dia mila rano loatra. Ireo voly fanodina hafa, ny voankazo, ny kafe, ny "cacao" sy ireo hazo fandrehitra dia natokana hivelomana. Ny voly tena manan-danja any an-toerana dia ny lavanila sy ny jirofo. Lavanila avy any Mexique no nampidirin'ny frantsay teto Madagasikara. Ny fanambarana ny lahimbony sy ny vavimbonin'ny lavanila dia tsy maintsy atao amin'ny tanana mba ahazoana vokatra tsara. Ny faritra avaratra atsinanan'ny Nosy no mamokatra be amin'ireo lavanila natoraly eran'izao tontolo izao.

Anisan'ireo fivelomana manan-danja ho an'ireo tanàna amorontsiraka ny fanjonoana. Ireo fitaovana ampiasaina amin'izany dia mbola nolovaina tamin'ireo razambe, ka rehefa mitsangatsangana eny amin'ny tora-pasika ianao dia ahita ny fivezivezen'ireo lakana mpanjono n'aiza n'aiza manamorona ny helodranon'i Antongila.