Inona no azo jerena ao ?

Ny faritr'ala manokan'i Nosy Mangabe dia nosy midadasika izay ahiatana ala 520 ha mando lava sy maitso mandava-taona. Ny fasan'ny fianakaviana Antimaroa sy ireo vato misy dian-tsoratry ny tatsambo Hôlandey tamin'ny faha XVII an-jato taona dia manamarina ny firiariavan'ny olombelona tao taloha.

Dimy karazana ireo gidro hita ao Nosy Mangabe ka ny telo dia tsy mivoaka raha tsy amin'ny alina (Varikandana miloko mainty sy fotsy, gidro miloko volon-takatra, aye-aye, microcèbe). Anisan'ny toerana eto Madagasikara mora ahitana ny tafisaka ao Nosy Mangabe, izay biby anisan'ny mahatalanjona nohon'ny fahaizany miery. Hita ao Nosy Mangabe ihany koa ny karazana tanalahy kely indrindra Brookesia tsy mihotra ny haben'ny fanondro.

Ity nosy ity dia rakotra ala tanteraka ary anisan'ny toerana mora ahitàna ireo karazam-biby malaza toy ny aye-aye. Tsidiho ary ity nosy ity mandritry ny fotoana vitsy ahafahanao manararaotra mandeha anaty ala sy ny tora-pasika ao aminy.