Maro amin'ireo mpikarakara no manoro hevitra ireo lakana haingam-pandeha, na dia eo aza ny hakelin'izy ireo, dia anisan'ireo fitanterana azo antoka sy haingan-pandeha indrindra ao amin'ny helodrano. Ny saran'ny fanofàna dia azo lazaina ho lafo kanefa rehefa jerena ny vidin'ny lasantsy ampiasainy sy ny havitsian'ireo olona zakany dia rariny ihany izany. Azo atao ihany koa anefa ny manontany ireo fitanterana amin'ny botry, izay mora kokoa saingy ny ora fandehanan'izy ireo dia miverimberina, ny sasany amin'ireo toerana dia tsy lalovan'izy ireo raha tsy fotoana ela. Raha tianao ny hanandrana ny fakàna fahafinaretana amin'ny fandehanana " bateau brousse ", dia azonao atao ny maka ireo torolalana any amin'ireo mpanoro lalana ho an'ny fanazavana bebe kokoa.