Ny tantaran'ny saikanosin'i Masoala sy ny helodranon'i Antongila dia manan-karena tokoa. Ny fotoana talohan'ny 1500 nahatongavan'ireo Erôpeana voalohany dia tamin'ny angano sy ny lovan-tsofina ihany no nahafantarana azy. Nandritry ny faha 17 zato taona dia ny fahatongavan'ireo Hôlanday no tena nibahan-toerana, izay nametraka fitobiana tao Nosy Mangabe hanondranana ireo andevo any amin'ireo zana-tany Indoneziana sy Afrika atsimo.

Ny tanan-dehiben'i Maroantsetra amin'izao dia fantatra tamin'ny anarana hoe Port Boynes, avy eo vao Ambatomasina ary izay vao Maroantsetra (izay midika hoe "maro sy maranitra"). Io anarana io dia nalaina tamin'ny fahazaran'ireo mponina tao manatsatoka zava-maranitra manaraka ny renirano mba hanakanana ireo mpanafika.

Ny nahatonga ny anarana hoe Antalaha indray dia ny nahatongavan'ireo mpirahalahy silamo anankiroa avy any Kaomaoro. Rehefa tafatoetra tao izy ireo dia nana-pakevitra ny hitady toeran-kafa ny iray, ary namela io tanàna io ho an'ny rahalahiny izay nomeny ny anarana hoe Antalaha na koa hoe tanànan'i Allah.