Lavanila
: Ny lavanila dia manan-danja lehibe tokoa eo amin'ny
toekarenan'ny faritra atsinanan'i Madagasikara. Ny volana Jona sy Aogositra
no fotoana fihotazana ary amboarina ho varotana manomboka ny volana Septambra.
Ny olona rehetra dia samy voakasika daholo, ary tsapa fa mihetsiketsika tokoa
ny olona mandritra io volana io.
Tanalahy
: Ny fotoana fanatodizan'ny tanalahy dia manomboka
ny volana Janoary. Anisan'ny fanevan'i Madagasikara ity biby hafa kely ity.
Anaty tany no anatodizan'ny vaviny. Mandritra ny volana maromaro ny fikotrehan'ny
atody alohan'ny hahafoizan'ireo zanany.
Rivo-doza
: Io faritry ny ranomasina indiana io dia matetika
andalovan'ny rivodoza isaky ny voalohan'ny taona. Ny morontsiraka no tena matetika
voa, izay mametraka takaitra eo amin'ny fifandraisana ary koa ireo toerana lalovany.
Gidro
: Ny gidro dia hita foana mandava-taona, na izany
aza anefa ny faran'ny volana novambra no fotoana ahafahana mahita ny reniny
mibaby ny zanany ary koa ny fianaran'ity farany mitsambikina voalohany eny ambony
hazo.
Vorona
mpifindra monina : Ny vorombaratra (Eurystomus
galucurus), ny taotaokafo ary ny farasambalala dia mifindra monina any Afrika
sy any atsimon'i Eoropa
Fetim-pirenena
: Ny 26 jona no fetim-pirenen'ny Malagasy, natao
ho fahatsiarovana ny fahaleovantena ny 26 jona 1962.
Ny
trozona : Ny trozona dia tonga eto amin'ny ranomasina
malagasy ny volana jona. Mijanona mandritra ny volana maromaro izy amin'izany
mba hiraisany sy hanomezany anaka. Mahavariana tokoa ny mahita ireo biby goavana
ireo mihetsika tsy taitra anaty rano.
Firasabe
: Io vorona io no fanevan'ny valan-javaboharin'i
Masoala. Izy io dia anisan'ireo vorona mpihaza atahorana ho lany tamingana.
Tsy hita izy raha tsy any amin'ny ala mikitroka ary ny apanga eny ambony hazo
no toerana iainany. Tsy dia tia misehoseho loatra ity vorona ity, ny fotoana
fanarahany ihany no mety ahitana azy noho ny feony izay hafa kely sy miverimberina.
Any amin'ny faritra andrefan'ny saikanosy no mora ahitana azy ity.
|
|||||||||||||||||||||||||||||||||||||||||||||
